شخصيات مؤثرة

قصص مؤثرة.. هاني الناظر الذي خطف قلوب المصريين والعرب ماذا قالوا عنه؟

الخميس، 22 فبراير 2024 08:32 مـ بتوقيت القاهرة

قال النبي صلى الله عليه وسلم: (إن مما يلحق المؤمن من عمله وحسناته بعد موته علمًا علمه ونشره، وولدًا صالحًا تركه، أو مصحفًا ورثه، أو مسجدًا بناه، أو بيتًا لابن السبيل بناه، أو نهرًا أجراه، أو صدقةً أخرجها من ماله في صحته وحياته، تلحقه بعد موته). رواه ابن ماجه و ابن خزيمة وحسنه الألباني. فصدقة العلم نشره بين الناس.

«كان قدوه لكل إنسان عرفه».. حصد الدكتور هاني الناظر محبة الملايين ليس فقط في مصر بل في جميع الدول العربية؛ إذ يُعتبر الناظر، واحدًا من الشخصيات المؤثرة التي وهبت من حياتها لخدمة البشرية وتحقيق الخير بالكشف عن آلاف المرضى ووصف العلاجات الكيميائية لهم.

واشتهر الدكتور هاني الناظر ، بتقديم الاستشارات الطبية المجانية عبر الإنترنت، حيث قام بعلاج الغير قادرين وتقديم العلاجات للمرضى من خلال الكشف عن بعد. حقق هذا الأسلوب نجاحًا كبيرًا في علاج الآلاف من المرضى على مدار عدة عقود، وأصبحت هذه المبادرة سببًا لشفاء الكثيرين.

واشتهر الدكتور هاني الناظر، أيضًا بفضله في تطبيق أسلوب الكشف عبر الإنترنت كوسيلة لعلاج الأمراض الجلدية، حيث قدم العديد من الاستشارات والعلاجات بشكل مجاني، مما جعله مثالًا في فعل الخير والتعاون بين الناس بغض النظر عن انتماءاتهم الدينية، أو العرقية، أو الثقافية.

بهذه الجهود الإنسانية النبيلة، أصبح الدكتور هاني الناظر الناظر واحدًا من الشخصيات الإسلامية المؤثرة التي تحقق مفهوم التعاون وتقديم الخير للناس جميعًا، ما يجعله مصدر إلهام للكثيرين وسببًا للمحبة والتأثير في المجتمع العربي والإسلامي.

نعي المحبين للدكتور هاني الناظر

الشيخ مبروك عطية الأستاذ بجامعة الأزهر نعى الراحل بقوله: دكتور هاني الناظر توفاه الله بعد صراع مع المرض بطهور خلايا سرطانية. الجلسات اللي كان بيتعالج بيها كانت صعبة ومخلياه مش قادر يتابع مع الناس وإستشاراتهم ورغم كده كان بيتابع ويجاوب عالناس قدر الأمكان.

وأكمل عطية: قبل ما يكون دكتور ومِهني شاطر، كان إنسان مُحترم ومن الناس النادرة اللي بيراعوا ضميرهُم في شغلانِتهم. ربنا يرحمه بقدر ما فاد ناس كتير وعمل خير معاهم.

هاني الناظر كان قدوة لكل إنسان عرفه

وقال أحمد فتحي جبريل، أحد نشطاء موقع التواصل الاجتماعي «فيس بوك»: في ٢٠١٩ وقت انفصالي زعلت شوية .. وحصلي تعب جسدي ولخبطة .. أسوأ حاجة لما صحيت شعري بيقع من اماكن متفرقه في الرأس ف بقى شكلي بشع. راسي عباره عن بقع شعر، ودا سببلي ضغط نفسي كبير، روحت لأكتر من دكتور ومفيش فايده.

وأكمل: وفي يوم كتبت لدكتور هاني الناظر ف التعليقات شعري بيقع وراسي شكلها بشع ومفيش دكتور قادر يفيدني. اعمل ايه؟! للأسف مردش عليا، حطلي لايك و بس، ودخلي ع الخاص كتب ؛ "سلامتك يا فنان يا كاتبنا المحترم. ابعت صوره كدا وريني". ماكنتش مصدق اصلا انه بعتلي رساله. اتخضيت. كنت بحبه جدا ك انسان عظيييم مبقاش موجود فالزمن دا. ارسلتله الصوره اللي كانت بشعه.

وأردف: رد عليا وقتها، قال؛ دا نوع من الثعلبه، و فطريات ضاره في حاله متأخره اتمكنت من فروة الرأس جزء منها مترتب على الحالة النفسية. وللأسف حالتك ملهاش علاج فعال في مصر لما بتتأخر كدا. وقبل ما اتخض و ازعل، قاللي : انا في المانيا حالياً وراجع خلال اسبوع، هجيبلك معايا العلاج اللازم كلمني بعد اسبوع، وبعد ٧ ايام كلمته بالفعل، وروحت استلمت العلاج من المكان اللي حدده وماكنش مقدر ليا اشوفه.

واختتم بقوله: النهاردا د هاني الناظر راح عند ربنا، هاني الناظر اللي كان صاحبنا و أب لينا و أخ لينا، اللي كتب ادويه ووصفات لملايين الناس مجاناً، اللي كتب فالكومنتات لالاف او عشرات الالاف من غير القادرين "طيب بس تعالى العيادة". الراجل اللي كان واهب جزء كبير من وقته ع السوشيال ميديا، ساعاااااات طويلة يومياً للرد ع الناس بمنتهى اللطف والود وكتابة ادويه ومساعدات بالمجان. إنا لله وإنا اليه راجعون. الله يرحمه ويُحسن اليه كان قدوه لكل إنسان عرفه.

وزير الصحة المصري ينعى الدكتور هاني الناظر

وزير الصحة المصري نعى الدكتور هاني الناظر، في بيان رسمي جاء فيه:

ينعى الدكتور خالد عبدالغفار وزير الصحة والسكان، وجميع العاملين بالوزارة والجهات التابعة لها، ببالغ الحزن والآسى، الدكتور هاني الناظر الرئيس الأسبق للمجلس القومي للبحوث، وأحد رواد علاج الأمراض الجلدية، ورئيس مجلس إدارة المؤسسة المصرية لتبسيط العلوم -داعيا المولى عز وجل- أن يتغمده بواسع رحمته، وأن يلهم ذويه الصبر والسلوان.

صاحبة حساب "رحمة رشاد" نعت الراحل بقولها: الدكتور هاني الناظر في ذمة الله.. الدكتور الإنسان اللي كان بيخصص جزء كبير من وقته بيرد فيه على أسئلة الناس على صفحته ويكتبلهم العلاج ويوفر عليهم فلوس الكشف ويكتب بوستات فيها علاج لمعظم الحالات المنتشرة ويختمها بـ "وفروا فلوسكم" حتى في عز تعبه واشتداد المرض عليه.

وأردفت: مش ناسية كلامه: "أهم حاجة في الطبيب إنه يكون إنسان .. دوره يطمّن المريض ويخفف عنه آلامه".بقرا التعازي وحرفيا كل الناس بتذكره بكل الخير وبتدعيله، اللي يقول ربنا يرحمه رد على سؤالي وكتبلي علاج، واللي يقول كنت بجرب اللي بيكتبه وبيجيب نتيجة، واللي يقول كان رحيم ولين القلب.

واختتمت بقولها: كتير كتييير من مواقفُه الجميلة اللي لا تُعد ولا تُحصى.. والله ياجماعة سيرة الإنسان هي اللي بتفضل موجودة ومكملة حتى بعد ما هو يمشي، ويا بخت اللي سيرته طيبة. ربنا يرحمه ويجعل كل اللي قدمه من خير ومساعدة لغيره في ميزان حسناته وسبب لدخوله الفردوس الأعلى.

‏وقال محمد فارس: وفاة الدكتور هاني الناظر دكتور الأمراض الجلدية و رئيس المركز القومي للبحوث الأسبق رجل عاش حياته كطبيب مؤمن برسالة الطب الحقيقية انه مش تجارة وإن هدفه تخفيف آلام الناس. كان بيرد على آلاف التعليقات مجاناً ويشخص الحاله ويكتب العلاج وعلى طول ينزل روشتات علاج حالات معينة عشان يوفر على الناس ثمن الكشف.

وأكمل قائلًا: ده غير آلاف الناس اللي عالجهم في عيادته مجاناً. وحتى في عز مرضه في أيامه الأخيرة كان بمجرد ما يحس انه قادر يكتب ويساعد الناس ويعالج ولو حالة واحدة كان بيعمل ده . رحل دكتور هاني الناطر ولكن عمله هيفضل موجود وعمله اللي ينتفع به هيفضل اثره باقي . ادعوا له بالرحمة من قلوبكم لانه يستاهل ده مننا.

آية عبد الرحمن قالت: كلمتين ف حقّ الراجل ده للامانه دكتور هاني الناظر ٢٠١٨ وانا حامل في تيا كان عندي حساسيه فظيعه شخصها بحرق درجه رابعه وشافني بعيط جامد وريحاله منهاره قالي بتعيطي ليه الموضوع ده حصل لبنتي وانا متاكده انه محصلش لحد خالص لانه مش حزام نـاري ولا حساسيه حمل ده حمل فقاعي وجالي من ادويه بتعملي حساسيه لدرجه جلدي كان بيتشال من مكانه ولابسه هدوم ومش طيقاها.

وأردفت: المهم الراجل كان ودود وخدوم جدا جدا وقالي انتي زي بنتي متعيطيش عمري ماانسي بجد كل نصيحه ودعوه دعاهالي واخر مره شوفته قبل الولاده بشهرين لما يأس من حالتي قالي ف علاج ليكي بس انا مش مسئول ان البيبي ينزل سليم قعدت اعيط جامد جدا وقولتله لا هستحمل انا همـوت واشوف بنتي حتي لو منمتش الشهرين ال فاضلين دول قالي كلمه مش هنساها ربنا يباركلك علي قد صبري وتحملك وهي تشيلك لما تكبر وتعرف انتي اتعذبتي فيها اد ايه عرفت وقتها ان الموضوع مكنش هيين زي ماقالي بنتي كانت كده ف حملها ف من الواجب عليا اخلي كل اللي عندي يدعولو بالرحمه الراجل ده عالج ناس كتير كانو بيجولو من بلاد كتيره ف الخبر بجد صـادم بالنسبالي ربنا يرحمه ويصبر اهله يارب ويجعله فالفردوس الاعلي.