الشيخ على جمعة يجيب الأطفال على السؤال الأصعب.. تعرف عليه

قال الدكتور علي جمعة، مفتي الديار المصرية السابق، إن الشريعة لم توضح المادة التى خلق الله منها العرش، وأضاف أن العرش يمكن أن يكون خلق من اللولوء أو الذهب أو الجواهر أو الزمرد.

وتحدث الدكتور علي جمعة، مفتي الديار المصرية الأسبق، خلال حلقة برنامج "نور الدين"، المذاع على قنوات الشركة المتحدة، اليوم الخميس: "العرش حاجة عظيمة فخمة وكبيرة أوى، وتشعر بنوع من الأمن والخشوع جواك".

وردًا على سؤال طفلة حول لماذا خلق الله العرش، ذكر "جمعة" : "اتعمل لأن ربنا سبحانه وتعالى رسم الدنيا على وضع معين، وفى عوالم عالم الأرض وحواليه مجرة ومجموعة ضخمة من الكواكب، والشمس بتلف والأرض بتلف، وكل ده منطلق فى الفضاء حوالين نجم اسمه فيجا، وكل دول بيلفوا حوالين العرش، والكون فيها حاجات بنشوفها بالعين، وفى حاجات لا نستطيع رؤيتها، ومنها الكون المرصود وده بنقدر نشوفه، والضوء فيه بيجرى فيه 300 ألف كيلو فى الثانية، ويعنى فى ثانية تروح مرسي مطروح، شوف الكون المرصود ده كله 93 مليار سنة، والكون كله 575 مليار سنة، يعنى لو قسمناهم يبقى شايفين سدس الكون، والباقى لم نراه".

وأكمل قائلا : "لما ربنا خلى الكون يلف خلاه يلف حول العرش، والعرش ربنا عمله مخلوق عظيم مبهر، وربنا قهره واستولى عليه يبقى نعرف إن الله القاهر فوق عباده ونقوم ساجدين لله".

يذكر أن برنامج نور الدين يعرض على قنوات الشركة المتحدة، يجيب فيه الدكتور علي جمعة عن تساؤلات الأطفال والكبار حول الدين والله عز وجل،

ولأول مرة يرد على أسئلة علي لسان أطفال صغار من نوعية الأسئلة التي يعجز الأهل دومًا عن الرد عليها ردًا قاطعًا من أمثلة فين ربنا، مش بنشوفه ليه، الأمر الذي جعل البرنامج محل اهتمام للأهالي والأبناء.

https://www.youtube.com/watch?v=rinizdGI84E